ജി എസ് ടി യു ഡി ഡി ഇ ഓഫീസ് മാര്‍ച്ചും ധര്‍ണ്ണയും

Share on facebook Share on twitter Share on print

കാസര്‍കോട് : വിദ്യാഭ്യാസ അവകാശ നിയമം സമയബന്ധിതമായി നടപ്പിലാക്കുക, ഏകീകൃത സിലബസ് നടപ്പിലാക്കുക, എയ്ഡഡ് സ്‌കൂള്‍ നിയമനം സര്‍ക്കാര്‍ നിയന്ത്രണത്തിലാക്കുക തുടങ്ങിയ വിവിധ ആവശ്യങ്ങളുന്നയിച്ച് ജി എസ് ടി യു ജില്ലാ കമ്മിറ്റിയുടെ നേതൃത്വത്തില്‍ ഡി ഡി ഇ ഓഫീസ് മാര്‍ച്ചും ധര്‍ണ്ണയും സംഘടിപ്പിച്ചു. വിദ്യാനഗര്‍ ഗവ.കോളേജ് പരിസരത്തു നിന്നും ആരംഭിച്ച മാര്‍ച്ചില്‍ നിരവധി അധ്യാപകര്‍ പങ്കെടുത്തു. തുടര്‍ന്ന് ഡി ഡി ഇ ഓഫീസ് പരിസരത്തു നടന്ന ധര്‍ണ്ണയുടെ ഉദ്ഘാടനം ഡി സി സി ജനറല്‍ സെക്രട്ടറി കെ നീലകണ്ഠന്‍ നിര്‍വ്വഹിച്ചു. ജി എസ് ടി യു ജില്ലാ പ്രസിഡണ്ട് പി എം സദാനന്ദന്‍ അധ്യക്ഷത വഹിച്ചു. ടി കെ എവുജിന്‍, കെ സരോജിനി, എ ജെ പ്രദീപ് ചന്ദ്രന്‍, കെ രാജീവന്‍, ബെറ്റി അബ്രഹാം, എ സുനില്‍കുമാര്‍, എം സീതാരാമ, പി കെ ഹരിദാസ്, അലോഷ്യസ് ജോര്‍ജ്ജ് തുടങ്ങിയവര്‍ സംസാരിച്ചു. ജില്ലാ സെക്രട്ടറി കുഞ്ഞിക്കണ്ണന്‍ കരിച്ചേരി സ്വാഗതം പറഞ്ഞു.