ഡി ഡി ഇ ഓഫീസിനു മുന്നില് ജി എസ് ടി യു ഉപവാസം നടത്തി
| ||
| ||
കാസര്കോട് : വിദ്യാഭ്യാസ അവകാശ നിയമം അനുശാസിക്കുന്ന ഗുണമേന്മ വിദ്യാഭ്യാസം ഉറപ്പാക്കാന് പ്രൈമറി വിഭാഗത്തില് 1:30 ഉം യു പി -ഹൈസ്കൂള് വിഭാഗത്തില് 1:35 ഉം എന്ന അധ്യാപക വിദ്യാര്ത്ഥി അനുപാതം സര്ക്കാര് സ്കൂളുകള്ക്കും ബാധകമാക്കുക, അശാസ്ത്രീയമായ അധ്യാപക പൂളിംഗ് ഉപേക്ഷിക്കുക, തുടങ്ങിയ ആവശ്യങ്ങളുന്നയിച്ച് ജി എസ് ടി യു ജില്ലാ കമ്മിറ്റിയുടെ നേതൃത്വത്തില് കാസര്കോട് ഡി ഡി ഇ ഓഫീസിനു മുന്നില് ഉപവാസ സമരം നടത്തി.
ജില്ലാ വിദ്യാഭ്യാസ ഉപഡയറക്ടറുടെ കാര്യാലയത്തിനു മുന്നില് നടത്തിയ ഉപവാസം കെ.പി.സി.സി. സെക്രട്ടറി കെ.നീലകണ്ഠന് ഉദ്ഘാടനം ചെയ്തു. ജില്ലാ പ്രസിഡന്റ് ടി.എം.സദാനന്ദന് അധ്യക്ഷത വഹിച്ചു. സംസ്ഥാന സെക്രട്ടറി ടി.കെ.എവുജിന്, സംസ്ഥാന എക്സിക്യൂട്ടീവ് അംഗം എ.ജെ.പ്രദീപ് ചന്ദ്രന്, സെറ്റോ ജില്ലാ ചെയര്മാന് പി.വി.രമേശന്, കെ.വി.ഭക്തവത്സലന് (എന്.ജി.ഒ. അസോസിയേഷന്), എ.ഷാഹുല് ഹമീദ് (കെ.ഇ.ഇ.സി.), സുരേന്ദ്രന് ചീമേനി (കെ.പി.എസ്.ടി.യു.), കെ.വി.വേണു (കെ.ഡബ്ല്യു.എസ്.എ,), പി.ദേവദാസ് (കെ.പി.ഇ.ഒ), കെ.രാജീവന്, കെ.സരോജിനി, എ.സുനില്കുമാര്, കെ.അനില്കുമാര്, എം.സിതാരാമ, അലോഷ്യസ് ജോര്ജ്, കെ.യൂസഫ്, സി.കെ.വസന്തകുമാര്, പി.എ.സെബാസ്റ്റ്യന്, എ.വി.ചന്ദ്രന്, കെ.തങ്കമണി, എ.കെ.ചന്ദ്രശേഖരന് , സി.കെ.വേണു എന്നിവര് സംസാരിച്ചു. ജില്ലാസെക്രട്ടറി കുഞ്ഞിക്കണ്ണന് കരിച്ചേരി സ്വാഗതവും ടി.രാജേഷ് കുമാര് നന്ദിയും പറഞ്ഞു. |
0 comments:
Post a Comment